Borsak Jungjungan (Silaban)
Ianggo Borsak
Jungjungan, sada do matana. Ia ulaonna, parumaon dohot pardengkean do. Digadis
do angka dengke na dapotsa i tu onan, jadi dibalik halak ma i sian ibana.
Ganup halak na mamuge i, sai marlaba
do, ala so sadia arga hian panuhorna sian ibana. Gabe digoar halak ma ibana:
”Silabaan.” Asa gabe ”Silaban” ma marga ni pinomparna.
Ia dungdang Soaloon tinggal di
Sipagabu do.
Ianggo anggina Ompu Raja Diomaoma,
dipungka ma hutana margoar ”Narambean”.
Ia Datu Bira dohot mangambe, margoar
do i muse ”Sitio” dohot ”Siponjot,” songon on do baritana.
Dung godanggodang ansimun nasida na
dua, jotjot do nasida disuru inana mangalap aek tu mual. Molo gale asa mulak
sihahaan i, disungkun inana i ibana : ”Boasa songon i leleng ho so ro sian mual
i?”
”Ala
ponjot do angka jolma nangkin di mual i, umbahen na gele ahu asa mulak!”
Ia tingki sianggian i gumele ro sian
tapian, didok ma hata sidalianna ia jumpa di sungkun inana i ibana:”Na paimahon
tio do aek na di mual i, umbahen na leleng ahu asa ro!”
Manang piga hali pe nasida gele, sai
songon alusnasida ondeng do didok nasida mangalusi inana. Ala ni digoar ma
sihahaan i : ”Siponjot” gabe ”Silaban-Siponjot” ma marga ni pinomparna. Ia
sianggian i digoar inana ma ”Sitio” jala gabe ”Silaban-Sitio” ma pinomparna.
Di pudian ni ari, Marserak do muse
pinomparninasida. Tuan Sampulu, laho ma maringanan tu Sipultak jala
marpinompari disi. Sian i ma Panjahil bungkas tu butar. Adong di pinomparna
disi dohot di Nagasaribu.
Ia Ompu Raja Itoba, laho maringanan
tu labotala. Adong do pinomparna disi.
Tunggul Bauta maringanan do tu
Butar, jala marpinompari disi.
Ulubalangtampak pe laho tu
Lintongnihuta, laos maringanan disi jala marpinompari.
Ianggo Datu Guluan, laho do tu janjiraja Tipang. Adong do pinomparna disi. Sian I laho muse do ibana tu Sigaol Uluan. Adong do pinomparna disi, marga “Silaban-Hasibuan”.
Ianggo Datu Guluan, laho do tu janjiraja Tipang. Adong do pinomparna disi. Sian I laho muse do ibana tu Sigaol Uluan. Adong do pinomparna disi, marga “Silaban-Hasibuan”.
